لفات طرح الحجاب شرح و صور

ادا كنت محجبه وتريدين معرفه لف الحجاب تفضلي:

للمحجبات طريقة لف الحجاب بالصور:

الطريقة الأولى: هى اللفة العادية
تشبكها من عند الرقبة من الوسط ويكون طرف أطول من طرف عشان نقدر نلفها حول الرأس وممكن نزود عليها لو رايحين سهرة أو مناسبة إيشارب كمان بيلمع أو تل أو قماشة سواريه نلفها فوق الإيشارب الأول.. ممكن تكون اللفة طويلة.. الربطة دي بتليق مع كل وجه ومهمة جدا وبتغطي الرقبة لو لابسة حاجة مفتوحة أو قيمص
الطريقة التانية:
نستخدم فيها إيشاربين مع بعض.. الأول مستطيل عرضه 2 سم وطوله متر ونص من أول طرف الإيشارب وعلى أول منابت الشعر نربطه على ورا على كحكة الشعر،
وبعد كده بنجيب إيشارب تاني كبير عريض وطويل ونحطه فوق الإيشارب الأول بعده بمسافة أو فوقه.. الطرف الطويل ممكن نعمل به شكل الوردة أو شكل آخر.

الطريقة التالتة:
مناسبة جدا لو لابسة "هاي كول" وبنعملها بالشكل ده.. نستخدم إيشارب مستطيل طويل قوي ونربطه على وراء ونخلي طرف أطول من التاني،
وأهم حاجة نمسكها من تحت كويس جداً والربطة تكون على جنب.. شكلها حلو لو رايحة الجامعة.
الطريقة الرابعة:
البندانا انتشرت جدا وأشكالها كتير جدا وساعات البنات بتحتار تمشيها مع ألوان اللبس ازاي.. تحطي البندانا على أول الشعر ونمسكها بدبوس ونشد قوي لورا ونعدل جوانبها عشان تغطي كل الشعر ونحط عليها الإيشارب المناسب للونها ونربطه طرف أطول من التاني، ونجيب الطرف الطويل على الرقبة ونشبكه فى الإيشارب كويس ونخلي الطرف الأقصر على قدام أو نحاول نعمل شكل جمالي

الطريقة الخامسة:
الربطة دي ممكن البنات تعملها في الجامعة وتستخدم فيها ألوان الموضة.. التركواز مع الأسود.. البني المحروق.. وهي نفس طريقة الربطة السابقة بس بيدخل فيها لونين الأبيض والتركواز بنضيف إيشارب زيادة على الإيشارب الموجود فوق البندانا.. بالإضافة للبندانا اللي هنحط فوقها إيشارب طويل مستطيل ونشبكه معها بدبوس من ورا ونحط فوقه بعد كده إيشارب مربع مطبق على شكل مثلث، وطبعا بلون تاني ونثبته كويس، وبعدين نحط الإيشارب الثالث، ولازم يكون طويل عشان نكمل به الربطة، وتلف بالشكل ده.. ممكن الربطة دي تدخل فيها ألوان جميلة تضيف لمسة جديدة وحلوة لشكل اللبس وتنفع الصبح.
[center]الطريقة السادسة :
الربطة الخليجى وهي بتنفع مع الوجه الصغير.. بتكبره وتخلي الشكل حلو.. نربط الإيشارب الأول بدبوس من عند الرقبة ونحط الإيشارب الثاني عليها.. واحد سادة والتاني منقوش، ويكون واحد تقيل والثاني خفيف.. أهم حاجة تثبيت الدبابيس على الإيشاربين كويس جدا.

[/center]

يسلمو كتير حلوين

حلوين وشكرا الك

يسلمووووووووو

مشكورين على المرور اتمنى تكون عاجبتكم

يسلمو كتير حلوين

ميرسي على الرد حبيبتي

كتير حلوين شكرااااااااا لكي تيتا صديقتي

طرق رووووووعه

تسلم ايدك tita

يسلمووووووو

يسلمووووووو